ओखलढुंगामा मापदण्ड विपरित सल्लाको खोटो संकलन ।।

चैत२३,ओखलढुंगा
ओखलढुंगाको विभिन्न सामुदायिक वनहरुबाट मापदण्ड विपरित सल्लाको खोटो संकलनले केहि सल्लाका बोटहरु मर्न थालेका छन् । वनबाट खोटो संकलन गर्न अनुमति पाएका खोटो संकलक व्यवसायिहरुले सल्लाका बोटहरुबाट तोकिएको परिणामभन्दा बढि खोटो निकाल्दा केहि सामुदायिक वनमा सल्लाका रुखहरु सुक्न र मर्न थालेका हुन् । सल्लाको खोटोबाट अलकत्रा, गम र औषधिसमेत बन्ने भएकोले खोटो रिफाईन गर्ने विभिन्न रोजिन टर्पेन्टाईन कम्पनीहरुले सामुदायिक वनहरुमा न्युनतन सरकारि राजस्व र निकासी कर बुझाई जिल्ला वन कार्यालयको अनुमति लिएर खोटो संकलनको काम गरेका थिए । खोटो संकलकहरुले सल्लाको रुखको फेदको ठाउँठाउँमा काटेर एउटा रुखबाट ५ देखि १० लिटरसम्म खोटो निकाल्ने गरेको पाईएको छ । गर्मी मौसम लागेसंगै खोटो संकलनको काम सकिएका केहि सामुदायिक वनहरुमा खोटो निकाल्नका लागि बनाइएको गहिरो चोट बाट निरन्तर खोटो निस्केर खेर गैरहेको छ । तर यस विषयमा जिल्ला वन कार्यालयमा केहि गुनासो नआएको जिल्ला वन अधिकृत सम्पैत यादवले बताउनुभयो । आफै पनि प्राकृतिक कारणले सल्लाका रुखहरु मर्न सक्ने बताउदै अनुगमन गरिने जिल्ला वन अधिकृत यादवको भनाई रहेको छ । जिल्लाको बलखु, सिस्नेरि, उवु, टोक्सेललगायत ९ वटा गाविसका १६ सामुदायिक वनले खोटो निकासी गर्ने अनुमति पाएका थिए ।

अनेमसंघ जिल्ला युवा समिति रामेछापमा गठन ।।

चैत २३,रामेछाप
अखिल नेपाल महिला संघ रामेछापको आयोजनामा अखिल नेपाल महिला संघ जिल्ला युवा समिति गठन गरिएको छ । संघका जिल्ला अध्यक्ष शान्ता पौडेलको अध्यक्षता तथा अखिल नेपाल महिला संघका केन्द्रिय सदस्य माया कार्कीको प्रमुख आतिथ्यतामा कार्यक्रम भएको थियो । कार्यक्रममा एमाले जिल्ला कमिटि सचिव आनन्द श्रेष्ठ, युवा संघ रामेछापका सचिव राजकुमार खड्का लगायतले बोल्नु भएको थियो । भेलाले सारदा कार्कीको संयोजकत्वमा १३ सदस्सीय अनेमसंघ जिल्ला युवा समिति रामेछाप गठन गरेको थियो ।

घाँटी रेटेर वृद्धको हत्या ।।

चैत २३,रौतहट
रौतहट गौरमा एक वृद्धको हत्या भएको छ । गौर–५ पोखरीया टोलका ६० वर्षका जाहिर अन्सारीको घाँटी रेटेर हत्या गरी फालिएको अवस्थमा सोमबार बिहान शव फेला परेको हो । अन्सारीको शव पोष्टमार्टमका लागि जिल्ला अस्पताल गौरमा राखिएको प्रहरीले जनाएको छ ।आइतबार राति घरमा बास बस्न आएका गौर–१० सबगढाका परवेज अन्सारीले जाहिरको हत्या गरेर घरमा रहेको पाँच लाख रुपैयाँ लुटेर लगेको परिवारका सदस्यले बताएका छन् । घटनाको विषयमा थप अनुसन्धान तथा फरार परवेजको खोजी भैरहेको डिएसपी राज शाहीले बताउनुभयो ।

नजिकको बिद्यालय सँग समायोजन गर्ने तयारी ।।

चैत्र २२,रामेछाप
रामेछाप जिल्लामा १६ वटा बिद्यालय नजिकको बिद्यालय सँग समायोजन गर्ने तयारी गरिएको छ । शिक्षा बिभागको निर्देशन अनुसार कम बिद्यार्थी र अर्को बिद्यालय सँग कम दुरीमा रहेको प्राबी र निमाबी को पहिचान गरी समायोजन गर्ने तयारी गरिएको रामेछापका जिल्ला शिक्षा अधिकारी खुबिराम अधिकारीले बताउनु भयो । मन्थली, खिम्ती, बेताली, रामेछाप, दोरम्बा, चिसापानी, मझुवा, सालु, गुन्सी, गौश्वरा, पिङखुरी लगाएत गाबिसका बिद्यालय हरु समायोजन गर्न लागिएको जिल्ला शिक्षा कार्यालय रामेछाप ले जनाएको । २०७० साल बाट हाल सम्म जिल्लाका ९ बिद्यालय समायोजन भएका छन् भने १ वटा बिद्यालय बन्द्य भएको छ ।

तीन सय ३० लिटर घरेलु रक्सी नष्ट ।।

चैत्र २२,रामेछाप
रामेछापको सदरमुकाम मन्थलीका विभिन्न स्थानबाट प्रहरीले ३ सय ३० लिटर घरेलु रक्सी नियन्त्रणमा लिएर नष्ट गरेको छ ।जिल्ला सदरमुकाम मन्थलीका होटलमा विक्रीका लागि लुकाएर ल्याउँदै गरेको अबस्थामा मन्थली नगरपालिकाको कुडहर, भैश्वेस्वर, मन्थलीघाट, मन्थलीवजार र आकाशे एरियावाट प्रहरीले रक्सी नियन्त्रणमा लिएको जनाएको छ ।नियन्त्रणमा लिएको घरेलु रक्सी प्रहरीले संचारकर्मी, घरेलु तथा साना उद्योग विकास समिति, कोषतथा लेखा नियन्त्रक कार्यालय, जिल्ला प्रसासन कार्यालय र रामेछाप उद्योग वाणिज्य संघको प्रतिनिधिको रोहवरमा मन्थली प्रहरी कार्यालय हाताभित्र नष्ट गरेको हो । पछिल्लो समय रामेछापमा प्रहरीले घरेलु रक्सीको विक्री वितरणमा कडाई गर्दै आएको छ ।

जुनार बिक्रीबाट यस बर्ष रामेछापमा १० करोड आम्दानी ।।

चैत्र १८, रामेछाप
रामेछापमा यस बर्ष जुनार बिक्रीबाट १० करोड आम्दानी भएको जिल्ला कृषि विकाश कार्यालयले जनाएको छ । जिल्लाको ओख्रेनी, सुकाजोर, रामपुर, रामेछाप, सालु, फुलासी,डढुवा, सुनारपानी गाविसबाट १० करोड बराबरको जुनार बिक्री भएको प्रबिधिक सहायक हिमाल भुसालले जानकारी दिए । ११ हेक्टरमा लगाईएको जुनार खेतीबाट १३ हजार ३ सय ३२ मेट्रिकटन उत्पादन भएको उहाँको भनाई छ । जिल्लाको नगदेबालीको रुपमा मानीने जुनार ८ सय देखी १४ सय मिटरको उचाई भएका क्षेत्रमा फल्ने गर्दछ ।

अलैची बिक्रिबाट ५ करोड आम्दानी ।।

चैत्र १७, रामेछाप
रामेछापमा यस बर्ष अलैची बिक्रीबाट ५ करोड बराबरको अम्दानी भएको जिल्ला कृषि विकाश कार्यालयले जनाएको छ । जिल्लाको ६२ हेक्टर क्षेत्रफलमा अलैची खेति बस्तार गरिएकोेमा ४८ हेक्टर क्षेत्रफलबाट २२ मेट्रिकटन अलैचि उत्पादन भएको जिल्ला कृषि विकाश कार्यलयका प्रविधिक सहायक हिमाल भुसालले जानकारी दिनु भयो । खेति बिस्तार गरेको ३ बर्षमा मात्र फल दिने भएकाले यो बर्ष ४८ हेक्टर क्षेत्रफलबाट मात्र उत्पादन लिईएको उहाँले बताउनु भयो । जिल्लाकाको पकेट क्षेत्र मानिने गुम्देल, बाम्तीभन्डार, कुबुकास्थली, प्रिती, गुप्तेश्वर, भुजी, दोरम्बा, डढुवा, रस्नालु, बेताली लगायतका गाविसमा अलैची खेति गरिदै आईएको छ । गत बर्षको तुलनामा यस बर्ष १० मेट्रिकटन बढि उत्पादन भएको पनि उहाँले बताउनु भयो । रामेछापको प्रमुख नगदे बाली अलैची १२ सय देखि २१ सय मिटर भएका क्षेत्रमा फल्ने गर्दछ ।

बिदेशि नागरिकले बिद्यालय भबन बनाईदिने ।।

चैत्र १७, रामेछाप
भौतिक रुपले जिर्ण र कमजोर अवस्थामा रहेको जिल्लाको फर्पु गाबिसको श्री माबि फर्पुमा बिदेशि नागरिकले एक कोठे पक्की भबन बनाईदिने भएका छन् । नमस्ते चिल्डे«न नेपालको समन्वयमा सात जना बेल्जियमका नागरिकले सामुहिकरुपमा भबन निर्माण गरिदिने बताएका हुन् । झन्डै ३ सय ५० जना बिद्यार्थी अध्यनरत बिद्यालयमा अहिले सम्म कुनै पनि पक्की भबन नभएकाले भबन निर्माण पछि प्रशासनिक कार्यकक्षको रुपमा प्रयोग गरिने प्रध्यानध्यापक राजकुमार खड्काले बताउनु भयो ।

पत्रकार महासंघको ६० औँ स्थापना दिवस रामेछापमा विविध कार्यक्रम गरी मनाईयो ।।

पत्रकार महासंघको ६० औ स्थापना दिवसको अवसरमा रामेछापको सदरमुकाम मन्थली बजारमा प्रभात फेरी र अन्तरक्रिया कार्यक्रमको आयोजना गरि मनाइको । नेपा पत्रकार महासंघ रामेछापको आयोजनामा भएको प्रभात फेरी महासंघको कार्यालय विपि चोकबाट निस्किएको ¥यालीले मन्थली बजार परिक्रमा गरेपछि अन्तरक्रिया कार्यक्रममा परिणत भएको थियो । प्रमुख जिल्ला अधिकारी शम्भुप्रसाद मरासिनीको प्रमुख आतिथ्यता तथा नेपाल पत्रकार महासंघ रामेछापका अध्यक्ष रमेश ढुङ्गेलको अध्यक्षतामा भएको सो अन्तरक्रियामा श्रमजिवि पत्रकारको अधिकार स्थापनामा नेपाल पत्रकार महासंघको भूमिकाको विषयमा विभिन्न वक्ताहरुले आ आपm्नो मन्तव्य राख्नु भएको थियो । कार्यक्रममा बोल्दै प्रजिअ मरासिनीले श्रमजिवि पत्रकारहरुको सुरक्षा र अधिकार स्थापनाको लागि स्थानीय स्तरमा आपूmबाट हुन सक्ने सबै गर्ने प्रीतवद्धता व्यक्त गर्नु भयो । कार्यक्रममा नेपाली काँग्रेसका कार्यवाहाक अध्यक्ष झपडराज भण्डारी, एमाले नेता तुलप्रसाद कँडेल, एमाओवादी नेता तारानारायण श्रेष्ठ, राप्रपका जिल्ला उपाध्यक्ष रामचन्द्र कँडेल, नेकपा मालेका ओमबाबु पुरी लगायतले श्रमजिवि पत्रकारको

तामाकोशीको सेयर चरिकोटमा मात्र रु। २८ करोड संकलन ।।

चैत्र १६,दोलखा
माथिल्लो तामाकोशी प्रवद्र्धक रहेको कम्पनीको सेयरमा जिल्लाबाट सञ्चय गरिरहेका सञ्चयकर्ताहरुबाट करिब रु। २८ करोडको सेयर संकलन भएको छ । निश्कासक नागरिक लगानी कोषले आवेदकनका लागि तोकेको राष्ट्रिय बाणिज्य बैंक चरिकोट शाखामा आइतबार अन्तिम दिनसम्म ती सञ्चयकर्ताहरुबाट रु। २८ करोड बराबरको सेयर संकलन भएको हो । हालसम्मको सबैभन्दा ठूलो साधारण सेयर निष्काशन भएको सेयरमा बुधबारसम्ममा १ हजार ४ सय ११ सञ्चयकर्ताले सेयर आवेदन गरेको राष्ट्रिय बाणिज्य बैंक चरिकोट शाखाले जनाएको छ । आवेदन संकलनका लागि करिब २ हजार ६ सय फाराम वितरण भएको कार्यालयले जनाएको छ । फागुन ११ देखि आह्वान खुला भएको भए पनि समय अपुग भएको भन्दै नागरिक लगानी कोषले चैत १५ सम्म समय थप गरेको थियो । जिल्लामा करिब ४ हजार सञ्चयकर्ताहरु कार्यरत रहेको कोष तथा लेखा नियन्त्रण कार्यालय दोलखाको अनुमान रहेको छ । कम्पनीले कर्मचारी सञ्चयकोषमा रकम जम्मा गरेका सञ्चयकर्ता, कम्पनीलाई ऋण दिने संस्थाका कर्मचारी तथा कम्पनी र नेपाल विद्युत प्राधिकरणका कर्मचारीका लागि सेयर निष्कासन गरेको थियो । कम्पनीले ३ अर्ब ६० करोड बराबरको ३ करोड ६० लाख कित्ता संस्थागत सेयर निष्कासन गरेको थियो ।